أمـــــا آن .. ؟؟؟

أما آنَ لي أن

احرّرَ من قارورة العطر
... جسدي

أحرّر من توابيت القبيلةِ
... وجعي

أحرّر من مشنقة الغبَن
... عُنُقي

ومن مرايا الوهم
... وجهي

لأبحثَ عن صوتي
في ثرثرة النّوارس

لأمواج البحر
وأرسم بطاقة كِياني

في وشوشة الورق

لأمواج الحبر ..!!

كان ممكن ؟؟

كان ممكن يبقى الورد بألوانه و بأوراقه ..

و بجماله و برشاقته ..

و برقته و براءته ..

من غير عود صلب يشدّه ؟؟

و من خير الأرض يمدّه ؟؟

ياترى كان ممكن ؟؟

لست أدري

عند كل مساء .. تأتيني الخرافات مجتمعة في هيئة الوان صاخبة .. تسألني ..

عن كم من الأحلام حققت .. ؟
و كم من الإنجازات أتممت .. ؟
و كم من يأس أبدلته بأمل و زرعته .. ؟

و أنا .. بين سؤال واضح .. و إجابة متوزاية الملامح .. و بصوت معدوم المعاني لست أدري ..

عند كل مساء .. تأتيني الخرافات في هيئة ثواني و ساعات .. تسألني ..

عن عمري بالأمس .. و كيف مضى ؟
و عن عمري اليوم .. و كيف مضى ؟

و أنا بين أمس مضى .. و يوم مضى .. إجابة مضت و عنها لست أدري ..

مدالية في عيد ميلادي

في عيد ميلادي .. وصلتني من أعز الناس على قلبي

منتدى بورسعيد أون لاين

مدالية مفاتيح .. غاية في الروعة ..

و لأن جوسي كانت سيدة الموقف في اختيار الهدية و لأنها أقرب لطبيعتي

فا كان اختيارها للهدية لعدة أسباب زي ما حسيت ..

اختارت حاجة تكون ملازماني طول الوقت افتكرها وافتكر أقرب الناس ليا كل لما أبص لايدي..

على فكرة انا بحب جداً المعنى إللي في المدالية .. علشان الملازمة لصاحبها

و آد ايه فيها حاجات كتير لصاحبها و آد ايه بتفضل في ايديه لفترات طويلة ..

ولو ضاعت يضايق .. و طول ما هي في ايديه مرتاح بوجودها ..

اختارتها فضة .. لأن الفضة عندي معنى للتحمل و الشياكة و الصبر ..

المدالية عبارة عن وردة ( روزاليا ) رمز نعومة الورد ورقته ..

المدالية طولية أشكال مرتبطة بأشكال علاقة مرتبطة بعلاقة ..

لكن اتفاجئت .. و كانت الصدمة ..

إن المدالية بتاعت المفاتيح .. ماعنديش ليها مفاتيح ..

ماعنديش خزنة حاطة فيها متعلقاتي بمفتاح .. لأن خزنتي دماغي ..

ماعنديش درج خايفة على اللي الحاجات إللي فيه بمفتاح .. لأن كل إللي حاجات إللي خايفة عليها في قلبي ..

ماعنديش باب أنا صاحبته ... بمفتاح .. لأن أنا مش صاحبة أي حاجة في الدنيا غير نفسي ..

معنديش سر بمفتاح .. لأن كل الأسرار في عيني ..

فا مش عارفة أحط في المدالية ايه ؟؟ بس هامسكها و من غير مفاتيح ..

و هتلازم ايدي و برده من غير مفاتيح ..

آخر حاجة أقولها ..

ألف شكر لكل واحد ساهم برأيه أو بفلوسه أو بإحساسه

في المدالية دي .. أنا بحبكم جداً ..