تأمل و أخبرني
تأمل الصورة و أخبرني .. ماذا رأيت ؟؟
في أربع خمس كلمات .. و قل لي بأي لون رأيت الصورة .. و دعني أقول لك بماذا تفكر
posted by rosealia29 at ٩:٥٩ ص
الأحد، ذو القعدة ٢٦، ١٤٢٧
Anna Zamaan
- حبيبتي
- حب أوي
- الضغط بيوّلد الإبـــــــداع
- كل عام و نحن روزا و جوسي و نوفا
- أخشى أن يموت فينا الإنسان
- لحظة تأمل .. 1
- شمعة
- بعض من أنــــا
- مشاهد من الذاكرة
free web counter
23 Comments:
أنا أول واحدة هييييييييه.
بصي يا ستي حاسة إن ورا الباب ده طفل صغير قاعد زعلان وخايف ومستني حد يفتحله..
أو حاسة إن ورا الباب صندوق خشب كبير مقفول فيه إييه مش عارفة.
شايف ورا الباب ماضى وممكن فى أى لحظه الباب يتفتح ويدخل الماضى تانى لغرفة الحياه الحاليه , لكن ممكن بمحاوله صغيره نقفل الباب و ما يدخلش , بس أقفله ليه ده ماضى مش وحش أوى .. عايز أنساه و مش عايز أنساه
والغريب فى ده كله أنى حاسس بلون أبيض أو أخضر ورا الباب.
تسنيم .. المعادلة الصعبة بين تحقيق طفولتك و ممارستها و بين عقلك و حكمته .. أمر صعب و مش سهل .. شدي حيلك .. لكن ما قولتليش شايفة أي لون في الصورة ..
مبرمج حر .. سعيدة بتواصلك .. إنت متردد و ده باين بشكل واضح من تحليلي كلامك في الصورتين .. و متردد على حاجتين مش وجهة مقارنة أساسا بين بعض .. تمتلك من مقومات النجاح الكتير لكن برده خايف .. ثقتك في إمكانياتك هي اللون الأبيض .. و حبك للناس و إحساسك هو اللون الأخضر ..
شكرا ليكم ..
كان فى زمان فوازير رمضان
لأ مش عشان سؤالك
كان فيه فوازير و الف ليلة عملتها شريهان...كنت بحبهم قوى
كان فيهم حلقات فطيمة وحليمة وكويمة
حلقة منهم
شريهان دخلت بيت قدييييم قوى
وفيه باب تقريبا زى ده
او كان فيه باب زى ده
وكانت وهى جوه البيت
تفتح الباب تلاقى شط بحر وطيور
رغم ان بلدهم مكنش فيها بحر
مش عارف ليه افتكرت
سيبك يا روزا
بس الباب لو كان متوارب
كان يبقى له الف معنى
روزيليا أنتى أكثر من رائعه
تحياتى
hesterua : عندك و جواك كتير لسه مش مكتشف .. حاسس بإن عندك كتير .. لكن دايماً بتشعر إن كل إللي بتقوله دايماً أقل من إللي جواك .. و الكلام دايماً أقل من إحساسك ..
انا كنت بحب الفوازير دي أوي على فكرة ..
مبرمج : انا سعيدة بتواصلك .. أشكرك على الإطراء ..
3'mood gamed awe..
7aga mest7'abia..
adeem awe bshakl yet7ab bas qawee..
m3rafsh eh wara albaab da.. ba hwa shaklo kda medeelo heeba gamda awee..
shaifaa lono bonny ma7roo2..
ha?
انا شايف ان ده قلب مغلق
خايف يحب لينجرح
ده باب مغلق وراه اميرة من اميرات زمان مستنية الامير ياخدها ويهرب
الباب لونه بنى
Mony The Angel : إنتي بتدوري في ذاتك على الشيء المميز و بتحاولي تكبريه و تخليه محورك .. و الحاجة المميزة فيكي دي بتحاولي إنك تخفي وراها نقط ضعفك إللي أحيانا و غصب عنك بتظهر بعفوية و تلقائية .. إنتي مش بتحبي كده .. تحبي تبقي أدام الناس الشكل إللي إنتي حابه إنك تظهري بيه ..
أجدع واحد في الشارع : إنت متربص أوي و خصوصا في الحاجة إللي هي أعز ما تملك قلبك .. مممممم ممكن تبقى متردد و خايف و قلقان .. و في نفس الوقت بتتمنى .. لكن خايف .. مستني دايماً الفرصة المناسبة ..
Love & Friendship,this is my life : إنتي لسه جواكي حاجات كتير مخبياها .. حاجات مش عارفة تطلع إزاي .. و حاجات مش عارفة تطلعيها إزاي .. لكن متوقعة و حاسه إن في طرف هو إللي هيساعدك على ده .. و إنتي هتستجيبي معاه بسهولة رغم إنك عنيدة لفكرة إنك تسمعي كلام أي حد ..
شكراً لمروركم ..
زغرفه-خشبه-تفاصيل-محبب-مكسور
اللون البنى المحمر لون (اوكره ) الباب
بفت نظري جداا الحديد الي في الباب ده والزغرفه الى على الاوكره
شايفه ورا الباب بحر ازرق زرقان جمييييييل وهادي و مفيهوش موج
واول لما شوفت الباب شوفت ايدراجل بتتحط على الاوكره وبتفتحه
وبس
حاسس ان ورا الباب ده وحش مفترس
ممكن يكون تنين او تمساح
او يمكن كلب صعران
او ممكن تكون فيرااان كبيرة من اللي بتاكل بني ادمين
o
عايز كل الناس تعرف مدونتك
ضيف نفسك في ارشيف المدونات العربية
http://arabblogs.blogspot.com/
ارسل لنا اسم مدونتك و عنوناها و اسمك
في كومنت على
http://arabblogs.blogspot.com/2006/12/blog-post.html
ابعت نفس الرسالة دي لكل اللي تعرفهم
مش شايف حاجة ورا الباب عشان القفل جامد قوي وصعب جدا إنه ينكسر
لون الصورة بني غامق قوي بس تقريباً هو زهق من القفل الجامد فحيمشي وحيسيب الصوة من غير ألوان
nice blog plz visit cairo teens blog
www.cairoteens.blogspot.com
18goosebumps : إنتي بتهتمي بالتفاصيل بشكل عجيب .. و زي ما كنت قولتلك قبل كده الروابط بين الفرعيات عندك محتاجة المزيد من الاهتمام .. لأنك عندك من المقدرة على الربط الرائع و الاستنتاج أكتر من إللي عند كثير من الناس .. دمتي ..
tafaseel : على رغم كمية الحب إللي قلبك لنفسك و للناس .. إلا إنك بتخاف .. بتخاف من نفسك على نفسك .. و من تخاف من نفسك على الناس .. و من الناس على نفسك .. حاسس إن فيه جزء منك لو فلتت السيطرة عليه حاجات كتير منك ممكن تقع و تضيع .. ربنا يحميك يا علي ..
ma_3alina : معندكش صبر و طولة بال على مواجهة الأزمات .. ممكن يكون عندك صبر على أي حاجة تانية بعيدة عن موضوع حساس ليك .. لكن في حاجة قريبة ليك و عايزها بتزهق و تيأس بسرعة .. الصورة على فكرة فيها حاجات تانية حلوة كتير غير إلا شوفتها .. ربنا يكرمك ..
Geneye : شكراً لزيارتك و إطرائك ..
معرفش ليه افتكرت فيلم القناع الحديدي أخر الفيلم لما الفرسان التلاته راحو يهربو الأخ الطيب وهربو من الملك وفرسانه ودخلو القلعه قفلو وراهم باب شبه ده , معرفش ليه افتكرتهم لما شوفت الباب ده, الباب لونه بني وحسيت انه عتيق جداورغم انه ممكن يبان من ملامحه انه قاسي بس حسيت انه جميل وان اللي وراه نور .
esraa
بصراحة انتى عندك حق
هو ده اللى انا بحسة بجد
انا شايف في الصورة حاجة غريبة .. وهي ان الناس خايفة تفتح الباب ده ... عارفة ان وراه مشاكل وهموم . والي معاه المفتاح .. رماه في بحر ... علشان خايف على الناس من الي ورا الباب ...
وانا مبسوط اني اول مرة ارد في لمدونة بتاعتك ..
وزعلان اني مردتش من بدري ..
Slgado
افتكرت حد من اصحابى كان دايما بيقول
ايا باب يا مقفول امتى الدخول
و اللى يصبر بكره لازم ينول
لجاهين
اتمنى اكون كتبتها صح
ana shoft baab..me7tagli afta7o...
ketab me7taag yet2eri...
aw 2alb moghlaq 3ala nafso... me7taag elli yeraya7o..!
el loon boni menawaro noor abyad..!
انا شوفت في الباب ده نفسي........ افكاري ...احلامي...احزاني...طموحي...وافراحي......وللباب مفتاح واحد....قررت اني ارميه في بير عميق
ماضي جميل يمكن مايرجعش تاني -ريحة زمان-اصالة-انا شاية نفسي بحاول افتح الباب دةعشان حاسة انه وراه حاجات حلوة كتير مستنياني بس الخشبة المكسورة اللي في اكرة الباب لو انا شايفاها صح هي محاولاتي الكتيرة الي اتكسرت
شايفة لون ساعات ابيض في لحظات الامل و ساعات اسود لما بيأس من محاولتي
إرسال تعليق
<< Home