لحظة تأمل .. 1
من الصور إللي بتستوقفني كتير .. بورتريهات الناس الكبار .. تجاعيد الملامح منظر بيدهشني .. يااااه صعب أوي إنك تظن في لحظة إنك إنت إللي بتعلّم في الدنيا ... و خصوصاً لما تاخدك العزة بشبابك و فتونتك و صحتك .. شعور صعب أوي لما تشعر إن كل تجعيدة من دوول عمر .. و كل تجعيدة من دول تجربة و علامة و أثر و خبرة و سنين بتوقعلك على ملامحك إنها حضرت عليك ..
بتمنى طول عمري و مازلت بلّح في الأمنية دي إن لو ربنا كتب ليا عمر للفترة دي من الحياة .. أكون فخورة بكل
تجعيدة من دوول في ملامحي .. و بتمنى كمان إني أكون انا إللي تركت للأيام علامة مش العكس .. بتمنى بجد إني أكون أثر في التاريخ .. أثر في الدنيا بوجودي أو عدم وجودي الناس تفتكرني .. و لأني واثقة بإن كلما كان أمنيتي عميقة أوي .. كان تحقيقها قريب .. انا بتمنى الأمنيات دي بجد أوي ..
بتخيل إن الفترة دي من الحياة هي المرحلة إللي الواحد يقعد فيها في بلكونة حياته يتفرج منها على عمره قضاااه إزاي و في ايه .. يا ترى سعيد .. ؟ ندمان ؟؟ متألم .. ؟ مممم صعب صح ؟ أنا مش بخاف من المرحلة دي بقدر ما انا متوجسة منها .. متهيألي لو كل واحد بيفكر في حياته بالمنظر ده .. حاجات كتير غلط في حياتنا مش هاتتعمل .. لأنه هايجي في الوقت إللي يا هيندم .. يا هيتألم .. يا هيتمنى العمر ده يتحذف من عمره ..
posted by rosealia29 at ١٢:٤١ م
6 Comments:
لو حددنا هدفنا بأهداف مرحلية حنوصل اليه بأقصر الطرق
ونحط في اعتبارنا اننا لو احرزنا تقدماً فيجب ان لا نسمح لأنفسنا بالتراجع
ودمتي بتأثيرك في الايام
بغض النظر عن كلام التنمية البشرية والتأثير في الأخرين والتأثر بهم..
أصعب حاجة يا روزا لما توصلي للمرحلة دي من عمرك وتكتشفي إنك وحيدة وإن كل أصحابك وأحبابك نزلوا من القطر في محطاتهم وإن انتي بس اللي لسه محطتك مجيتش ومضطرة تكملي الرحلة لوحدك ومضطرة لو كنتي أثرتِ في الأيام إنك متلاقيش حد يشاركك بهجتك..
نزعة كآبة صح؟؟؟ معلش اعذريني
تحياتي
حلم مشترك رأيته معي بتفاصيله ورأيته معك بتفاصيله
وبما اننا اتفقنا اننا رأيناه بتفاصيله
فحتما سيكون حقيقه
بأمر الله
حينها سنظل اصدقاء ونتذكر معا وقت حلمنا ونراه معا وهو يتحقق
بل ونُعيد ويُعيد العالم كله حقيقته
نوفا .. و دمت بتأثيرك في العالم ..
تسنيم .. أيووووة نزعة كآبة .. انا هخاف يعني ؟؟
جوسي .. عاهدت نفسي أمام الله أن أترك للعالم أثر و إن شاء الله سيكون بقوة إرادتي ..
jتجعيدة من دوول في ملامحي .. و بتمنى كمان إني أكون انا إللي تركت للأيام علامة مش العكس .. بتمنى بجد إني أكون أثر في التاريخ .. أثر في الدنيا بوجودي أو عدم وجودي الناس تفتكرني
حلم اراه مشترك بيينا و كل مننا اختار له طريق يرسمه فى مخيلته و لكن لماذا لا نفكر فى كيفية التكامل لتنفيذ تلك الاحلام
نعم ارغب و بشدة ان ترك علامات يذكرها لى التاريخ و لكن لن انتظر حتى اصل لذلك العمر فالتاريخ يذكر كثيرون اثروا فى العالم فى مرحلة الشباب أمثال فى مصر هنا كلنا نذكر مصطفى كامل و هذا رحل عن عالمنا فى سن 33
نعم هذا الحلم ممكن.. و لكن يجب ان يعاهد كل منا نفسه على السعى وراء هذا الحلم..
أما بالنسبة للصورة ده فدائما كلما انظر لوجه رسم عليه العمر علاماته و بصماته أقول بشكل لا ارادى ( اللهم لا تردنى لارزل العمر )
اخشى ان يأتى الوقت الذى ألتف فيه لانظر لاجد نفسى وحيدا فى تلك الحياة نعمل شاهدة الاحساس ده امامى شاهدة شيوخا يبكون فراغ الدنيا من حولهم
و لك كنت احب الجلوس معهم يرون ما لم تكن اذنك سمعته قبل ذلك نعمل اشياء لم نرها لم نسمع عنها تجارب عظيمة روى لى احدهم مرة رحمه الله رحلة الحج التى قام بها على الجمال و مشاهد افتتاح بورفؤاد
الموضوع ده كبير اوى و بفكر فيه كتير
بس أكيد الدعاء ده
( اللهم لا تردنى لارزل العمر )
ربنا يكرمكم و تحققوا احلامكم كلها
enty 3arfa en altaga3eed de asaar le ebtesamaat adeema :)
ya3ny haga helwa msh we7sha..
helw awe en alwahed lama y3agez yeb2a 3ando asaar lebtesamaat adeema kteera :)
إرسال تعليق
<< Home