عجيـــــبة يا دنيا ..
لما تحس إن وشوش الناس ألوان .. و تعامل الناس ألوان ..
.. و يضيع المعنى في الإبهار .. و تموت الفكرة في حركات مرسومة ..
و كلام و عبارات .. شوكة و سكينة .. و جرافتة و بدلة و اتيكيت خنقة ..
و ورا العين بلاوي و قصص .. و تحت اللسان حكاوي و عبر ..
و تلاقي مشيته واثق من خطوته .. و هي في حقيقته بيخاف من طلعته ..
و تلاقي كلامه مرسوم أدامه .. شعر موزون و نثر منظوم .. و هو في حقيقته حافظ مش فاهم ..
و نبقى عاملين زي المهرجين .. جايين الدنيا نسيبلها شوية حركات ..
نضّحك الناس علينا .. و نبكي في الآخر على نفسنا ..
و نبقى يا حرام .. لا طولنا السعادة و الرضا بالمقسوم ..
ولا عرفنا نقول للناس عننا ..
!! و عجبــــي يا دنيا !!
posted by rosealia29 at ٤:٥٩ م
8 Comments:
مش هتكلم عن الصورة الروعة ولا على ميكس ألوان الخطوط الجميل ولا على الوجع اللى فى كل سطر وكلمة وحرف
لكن هشد الجملة دى من البوست كله
"
و نبكي في الآخر على نفسنا
"
الدنيا فيلم , اتفرجنا عليه صدقناه خسرنا , قولنا لأ ده فيلم وشفنا الميكنج عرفناها على حقيقتها , كده كده هنعرفها على حقيقتها
لكن فيه اللى بيعرف بدرى بدرى ويلحق نفسه بدرى بدرى , وفيه اللى بيعرف لما
الفيلم يخلص وساعتها بيقول "واحسرتاه على ما فرطت فى جنب الله"
أيوة كدة .. موضوع رائع و سياق رائع .. هوة دة اللى فاهم دنيته و دينه .. كلام معبر و مؤئر جدا .. تحياتى جدا يا روز و إوعى تكونى زعلتى من تعليقى على البوست اللى فات .. فى إنتظار روائعك
ولا عجبى ولا عجبك
هى دى الدنيا
امممممممممممم
حافظ مش فاهم
كثيرا ما اسمعها والمسها في عيون وعيون
تلك الايام
هل استطيع ان اسمى ما يحدث
اخطر انواع النفاق
فـيمتزج فيه ..نفاق الغير مع نفاق النفس
الالوان في الصوره والكلام ليها مدلول كبير ... وكلام لوحده كتيير بيقول غير الكلام
مبرمج .. ألف شكر يا فندم على مرورك .. بتسعدني ..
_______
ساهر .. سعيدة بتواصلك .. و بعدين انا ما زعلتش .. ألف شكر للمرور ..
_______
عبد الغفار .. ولا عاجب حد على فكرة ..
_______
جوسي .. فعلاً نفاق النفس أصعب و أشد مرار من غيره .. و حافظ مش فاااهم دي أكتر حاجة في الدنيا .. و موضوع الألوان أكيد انا قصداااه .. ميرسي يا قمر على المرور ..
ايه يا بنتى الجمال ده؟؟
بجد كاتبة درر والله من غير مجاملة
و نبقى يا حرام .. لا طولنا السعادة و الرضا بالمقسوم ..
ولا عرفنا نقول للناس عننا
ربنا يرحمنا من الاحساس ده
دنيا
عْجِيبَةْ الدنْيَا وغْرِيبَةْ \ لاَ تْغُرَّكْ يَا إِنْسَانْ
سَاهْلَةْ وإِلاَّ صْعِيبَةْ \ إِيَّاكْ لِيهَا تِطْمَانْ
*
غَابَةْ وْحَارِسْهَا ذِيبْ \ يِضْحَكْ فِي ثُوبْ حْبِيبْ
يجْرَحْ ويْقُولْ طْبِيبْ \ جَايْ خَايِفْ عَ الحِمْلاَنْ
لَكِنْ فِي قَلْبِ اللِيلْ \ كِي نْشُوفْ وَجْهِكْ يَا حْبِيبَةْ
نضْحَكْ ونْقُول الوِيلْ \ سْحَابَةْ وتْعَدِّي قْرِيبَةْ
نُرْقُصْ بِجْنَاح الطِيرْ \ ونْغَنِّي الدنْيَا بْخِيرْ
مَادَامْ قَلْبِكْ لِكْبِيرْ \ يْفَتَّحْ وَرْد ورَيْحَانْ
*
جْنِينَةْ تَحْلَى فِي العِينْ \ النَاسْ فِيهَا طَايْرِينْ
وقَلْبِ الطَيِّبْ مِسْكِينْ \ وَحْدَانِي بْلاَ جِنْحَانْ
لَكِنْ فِي قَلْبِ اللِيلْ \ كِي نْشُوفْ وَجْهِكْ يَا حْبِيبَةْ
نضْحَكْ ونْقُول الوِيلْ \ سْحَابَةْ وتْعَدِّي قْرِيبَةْ
نُرْقُصْ بِجْنَاح الطِيرْ \ ونْغَنِّي الدنْيَا بْخِيرْ
مَادَامْ قَلْبِكْ لِكْبِيرْ \ يْفَتَّحْ وَرْد وْرَيْحَانْ
*
شْفَايِفْ تُقْطُرْ بِالسُولْ \ ملْيَانَةْ كْلاَمْ مَعْسُولْ
مَطْرَةْ واللُونْ يْزُولْ \ واللِي متْخَبِّي يْبَانْ
لَكِنْ فِي قَلْبِ اللِيلْ \ كِي نْشُوفْ وَجْهِكْ يَا حْبِيبَةْ
نضْحَكْ ونْقُول الوِيلْ \ سْحَابَةْ وتْعَدِّي قْرِيبَةْ
نُرْقُصْ بِجْنَاح الطِيرْ \ ونْغَنِّي الدنْيَا بْخِيرْ
مَادَامْ قَلْبِكْ لِكْبِيرْ \ جْنِينَةْ تَفَتَّحْ رَيْحَانْ
غناء لطفي بشناق
إرسال تعليق
<< Home